Дар факултети журналистика низ барои ташкил ва гузаронидани маҳфилҳои илмию адабӣ дар кафедраҳои тахассусӣ устодону шогирдон ба фаъолияти илмӣ машғуланд. Дар факултет 5 кафедра амал мекунад.
Дар ҳар кафедра ҷамъияти илмии донишҷўён ва маҳфилҳои онҳо амал мекунанд. Мавзўъҳое, ки дар ҷамъомади маҳфилҳо доир мегарданд, хеле ҷолибу шавқоваранд. Дар онҳо корҳои илмию эҷодии донишҷўён, мақолаҳои проблемавии дар воситаҳои ахбори омма нашршуда, асарҳои бадеӣ ва публисистии нав ба табърасидаи адибону публитсистони тоҷик муҳокима карда мешаванд.
Мувофиқи фармони ректори Донишгоҳ «Дар бораи таъсис додани маҳфилҳои илмию эҷодии устодони варзида» дар факултети журналистика як маҳфили илмии устодони соҳибмактаб-пофессор Муқимов М. ташкил карда шудааст. Маҳфили мазкур бо номи «Анис» пас аз таъсис ёфтан ҳар моҳ як маротиба ҷамъомади худро баргузор мекунад ва масъалаҳои гуногуни касбияти журналистӣ, проблемаҳои актуалии журналистикаи асри XXI, маҳорати суханварию дониши забоншиносӣ ва услубшиносиро муҳокима менамоянд.
Маҳфилҳо ва ҶИД аз ҳисоби донишҷўёни фаъол ташкил карда шудаанд.
